ACL ကြောင့် နားနေရတဲ့ အချိန်တွေက ဘဝရဲ့ အကောင်းဆုံး အချိန်တွေထဲက တစ်ခုလို ဗန်ဒိုက် ဆို
လီဗာပူးလ်အသင်းရဲ့ နောက်ခံကစားသမား ဗာဂျေးလ် ဗန်ဒိုက်က လွန်ခဲ့တဲ့ ၂၀၂၀ ခုနှစ်တုန်းက အဲဗာတန် ဂိုးသမား ဂျော်ဒန် ပစ်ခ်ဖိုဒ်ရဲ့ ကြောက်မက်ဖွယ် တိုက်ခိုက် ဖျက်ထုတ်မှုကြောင့် ရရှိခဲ့တဲ့ သူ့ရဲ့ ပြင်းထန် ACL ဒူးဒဏ်ရာကနေ ပြန်လည် သက်သာလာဖို ကြိုးစားခဲ့ရတဲ့ ကာလကို သူ့ဘဝရဲ့ အကောင်းဆုံး အချိန်တွေထဲက တစ်ခုလို ပြောလိုက်တာကြောင့် လီဗာပူးလ် ပရိသတ်တွေ အံ့အားသင့်ခဲ့ရပါတယ်။ ၂၀၂၀ ခုနှစ် ဂွတ်ဒီဆင်ပါ့ခ်မှာ ကစားခဲ့တဲ့ မာဆေးဆိုဒ် ဒါဘီပွဲစဉ်အတွင်း အဲဗာတန် ဂိုးသမား ပစ်ခ်ဖိုဒ်နဲ့ ထိခိုက်မိပြီးနောက်မှာ ဒတ်ချ် နောက်ခံလူ ဗန်ဒိုက်ဟာ ACL အရွတ်စုတ်ပြဲ ဒဏ်ရာရရှိခဲ့တာပါ။ ဒီဖြစ်ရပ်ကြောင့် ဗန်ဒိုက်ဟာ ဒဏ်ရာကနေ ပြန်လည်သက်သာလာဖိုအတွက် တစ်နှစ်နီးပါးလောက် ကွင်းဘေးကို ရောက်ခဲ့ရပါတယ်။ Photo Credit : The Mirror ဒီလို ခက်ခဲတဲ့ အတွေ့အကြုံရှိခဲ့ပေမယ့်လည်း မကြာသေးခင်က ပရီးမီးယားလိဂ် ချန်ပီယံဆုကို ဆွတ်ခူးနိုင်ခဲ့တဲ့ ဗန်ဒိုက်က အဲဒီကာလကို အကောင်းမြင်စိတ်နဲ့ ပြန်လည်မြင်ယောင်နေပါတယ်။ “အဲ့ဒီအချိန်က ကျွန်တော့်ဘဝရဲ့ အကောင်းဆုံးအချိန်တွေထဲက တစ်ခုပါပဲ။ ဒါဟာ တကယ်ကို ခက်ခဲခဲ့ပါတယ်။ အဓိက ကတော့ စိတ်ပိုင်းဆိုင်ရာပေါ့။ ညဘက်တွေ အိပ်မပျော်တဲ့အခါမျိုးတွေလည...